2017 оны 11 сарын 1-р арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  нийт нутгаар 1,2 -7,4 градус хүйтэн  байв. Агаарт өдөртөө Хашаат, Батцэнгэл сумдад  16,0 градус, Эрдэнэмандал, Хотонт  сумдад 15  градус, Төвшрүүлэх, Цэцэрлэг сумдад 14,0 градус,  бусад сумдын нутгаар  8,0-13,0 градус дулаан байлаа. Агаарт шөнөдөө Хангай суманд 27,0 градус, Цахир суманд 26,0 градус хүйтэн, ӨндөрУлаан, Өгийнуур сумдад 23,0 градус, Чулуут суманд 22,0 градус    бусад сумдын нутгаар  15,0-20,0  градус хүйтэн байв. Агаарт 30 градусыг давж хүйтэрсэн  өдөр  ажиглагдаагүй байна.

Хөрсний гадаргын температур: Хөрсний  гадаргын  дундаж  температур  энэ арав хоногт  аймгийн нийт  нутгаар  1,0 - 8,0 градус хүйтэн байлаа.  Хөрсөнд өдөртөө Төвшрүүлэх сумын  нутгаар 24,0 градус, бусад сумдын нутгаар 17,0 - 23,0 градус дулаан  байлаа. Хөрсөнд шөнөдөө  Хангай суманд 28,0 градус , ӨндөрУлаан, Булган суманд 25,0 градус,  бусад сумдын нутгаар 18,0-23,0 градус хүйтэн байлаа. Хөрсний  гадарга дээр 40 градусыг давж хүйтэрсэн өдөр  ажиглагдаагүй байна.

Хур тунадас: Энэ арав хоногт аймгийн нийт нутгаар 1-2  өдөр хур тунадас орж, 0,0-13,7 мм тунадас унасан  байна. Хамгийн их  тунадас Хашаат  суманд 13,7   мм, хамгийн бага  тунадас Батцэнгэл  суманд 0,0  мм унасан байна. Жаргалант суманд хур тунадас ороогүй байна.

 Салхи: Энэ арав хоногт аймгийн нийт нутгаар салхины хамгийн их хурд секундэт 5-12 метр хүртэл  ширүүссэн бөгөөд   хамгийн  их хурд нь Эрдэнэмандал Булган, Хашаат, Хотонт сумдын нутгаар секундэт 12  метр, Төвшрүүлэх, Өгийнуур,  Өлзийт, Тариат сумдын нутгаар секундэт  10 метр,  бусад сумдын нутгаар секундэт 5-9  метр хүрсэн  байна. 10 м/с дээш салхитай  өдөр Эрдэнэмандал суманд 4 өдөр, Тариат суманд 3 өдөр, Төвшрүүлэх, Булган, Хашаат, Хотонт, Өлзийт, Өгийнуур сумдын нутгаар 1 өдөр   ажиглагдсан байв.

Цасан бүрхүүл: Энэ арав хоногт   аймгийн нийт нутгаар   11-р сарын 10 - ны өдрийн сумын төвийн ойролцоох  хээрийн цасны хэмжилтээр цасны дундаж өндөр нь  Хашаат суманд 11 см, Хотонт суманд 10 см, Төвшрүүлэх суманд 8 см, Булган , Чулуут суманд 6 см,  Хангай, Өгийнуур сумдад 4 см,  Цахир суманд 2 см, Тариат, Цэцэрлэг сумдын нутгаар  1 см, цасны дундаж нягт  0,16 - 0,29 г/см³  ,  8-10 баллын цасан бүрхүүлтэй байна. Бусад сумдын нутгаар цасгүй байна.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, мал нэмэгдэл тэжээл бэлтгэх зэрэг  ажлууд явагдаж байна.Малын усан хангамж  Хангай, Тариат, Цахир,  Эрдэнэбулган, Төвшрүүлэх, Булган, Жаргалант  сумдын  нутгаар сайн, бусад сумдын нутгаар  дунд байна.

                                ХААЦУ-ын инженер Н.Галдигмаа