2020-оны 01 дүгээр сарын сүүлийн арав хоногийн ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур Агаарын дундаж температур энэ арав хоногт Тариат, Чулуут, Өлзийт, ӨндөрУлаан, Цахир , Өгийнуур сумдын нутгаар 20,8 – 21.8  градус ,  бусад сумдын нутгаар 11,5 – 19,7 градус  хүйтэн  байлаа. Бүх сумдын нутгаар олон жилийн дунджаас 1,2 – 5,7 градусаар дулаан  байв.  Агаарт өдөртөө  Эрдэнэбулган суманд 4 градус дулаан, бусад сумдын нутгаар 1,0 – 12,0  градус хүйтэн байв.  Агаарт шөнөдөө Тариат, ӨндөрУлаан, Чулуут, Өгийнуур, Өлзийт сумдын 30,0 -33,0  градус, бусад нутгаар 21,0 – 29,0 градус хүйтэн байлаа. Агаарт 30 градусаас дээш  хүйтэрсэн өдөр  Тариат, Чулуут, Өлзийт, ӨндөрУлаан, Өгийнуур сумдын нутгаар 1 - 5 өдөр  ажиглагдсан байв.

Хөрсний гадаргын температур: :Хөрсний  гадаргын  дундаж  температур энэ арав хоногт аймгийн нийт  нутгаар 15,0 – 20,0  градус  хүйтэн байв. Хөрсний гадарга дээр өдөртөө  Эрдэнэбулган сумын нутгаар 10,0 градус,Төвшрүүлэх сумын нутгаар 6 градус дулаан, бусад сумдын нутгаар 1,0 - 6,0 градус хүйтэн байсан. Хөрсний гадарга дээр шөнөдөө аймгийн ихэнх нутгаар  25,0 - 33,0  градус  хүйтэн  байв. Хөрсний гадарга дээр 40,0 градусаас дээш  хүйтэрсэн өдөр ажиглагдаагүй байлаа.

Хур тунадас: Энэ арав хоногт  Эрдэнэбулган, Тариат, Цэцэрлэг, Хайрхан сумдын   нутгаар  1  өдөр цас орж,  0,0  мм тунадас орлоо. Эрдэнэмандал, Төвшрүүлэх, Батцэнгэл, Хашаат, Өлзийт,  Жаргалант,  Чулуут, Хангай, Өлзийт, Хотонт, Өндөр-Улаан, Өгийнуур, Булган, Цахир сумдын нутгаар цас ороогүй байна.

Салхи: Энэ  арав  хоногт  аймгийн  нийт нутгаар  салхины хамгийн их хурд секундэт 3 – 15 метр хүртэл  ширүүссэн бөгөөд   хамгийн  их хурд нь  Эрдэнэбулган сумын нутгаар  секундэт 15 метр  хүрсэн  байв. 10 м/с дээш салхитай  өдөр Эрдэнэбулган, Эрдэнэмандал, Тариат, Төвшрүүлэх, Хашаат, Булган сумд ын нутгаар 1 – 3  өдөр   ажиглагдсан  байлаа.

Цасан бүрхүүл:Энэ арав хоногийн мэдээгээр аймгийн нийт нутгаар 4– 10 балын  цасан бүрхүүлтэй байв.  Аймгийн ихэнх сумдын нутгаар цасны дундаж өндөр  0 – 4 см  байв.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд   отор нүүдэл хийх, мал нэмэгдэл   өгөх зэрэг ажлууд  явагдаж байна. Энэ арав хоногийн мэдээгээр мал өвөлжилтийн байдал  Жаргалант сумын Хоолт, Асайт, Эрдэнэ-уул багууд, Цэцэрлэг сумын Хужирт, Туулант, Чулуут багуудад  хүндэрсэн байв. Төвшрүүлэх, Жаргалант, Батцэнгэл, Хашаат, Хайрхан   сумдын  нутгаар малын усан хангамж  дунд,  бусад сумдын нутгаар малын усан  хангамж  сайн байлаа.      

УА,ХААЦУ-ын ахлах техникч Б.Нарантуяа.