2023 оны 03 дугаар сарын эхний хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Тариат, Цахир, Чулуут, Хангай, ӨндөрУлаан сумдын нутгаар 3,9  - 7,6 градус хүйтэн , бусад сумдын нутгаар 0,2 – 1,9  градус  дулаан байлаа.Олон жилийн дундажтай харьцуулахад аймгийн ихэнх нутгаар олон жилийн  дунджаас  10,0 – 14,2 градусаар  дулаан байсан байна. Агаарт өдөртөө Тариат, Хангай, Чулуут, Цахир сумдын нутгаар 6,0 – 9,0 градус, бусад сумдын нутгаар 10,0 – 14,0 градус дулаан  байлаа. Агаарт шөнөдөө Тариат Хангай, Чулуут,  ӨндөрУлаан, Цахир сумдын нутгаар  19,0 - 23,0 градус,  бусад нутгаар  12,0   - 17,0 градус хүйтэн байсан байна.

Хөрсний гадаргын температур: Хөрсний  гадаргын  дундаж  температур энэ арав хоногт Тариат, ӨндөрУлаан, Хангай, Булган, Цахир сумдын нутгаар 2,0 – 9,0 градус хүйтэн, бусад  нутгаар 1,0 – 7,0 градус дулаан байлаа. Хөрсний гадарга дээр өдөртөө  Батцэнгэл, Эрдэнэмандал, Хашаат сумдын нутгаар 26,0 - 31,0   градус ,  Тариат, Хангай сумдын нутгаар 12,0 - 16,0 градус, бусад сумдын нутгаар 21,0 - 25,0 градус дулаан  байв. Хөрсний  гадарга дээр шөнөдөө  Тариат, Хангай, ӨндөрУлаан, Цахир сумдын нутгаар  22,0 – 26,0 градус, бусад сумдын нутгаар 16,0 – 18,0 градус  хүйтэн  байсан байна

Хур тунадас: Энэ арав хоногт Хотонт, Төвшрүүлэх сумдын нутгаар  цас ороогүй, бусад нутгаар 0,0 – 0,6  мм тунадас орсон байлаа.Орсон хур тунадасны хэмжээг олон жилийн дундажтай харьцуулахад Чулуут, Тариат, Жаргалант, Булган сумдын нутгаар  олон жилийн дунджаас ахиу, бусад нутгаар олон жилийн дунджаас бага тунадас орсон байв.

Салхи: Энэ арав хоногт аймгийн  нийт нутгаар салхины хамгийн  их хурд түр  зуур секундэт 14 – 29 метр хүртэл ширүүссэн бөгөөд хамгийн их хурд нь  Батцэнгэл,  Эрдэнэбулган, Булган, Хайрхан  сумдын нутгаар  түр зуур секундэт 21 -29  метр  буюу  аюултай үзэгдлийн хэмжээнд хүрч салхилсан байна. 10 м/с–ээс их салхитай дээш  өдөр аймгийн нийт нутгаар  ажиглагдсан байлаа.

Цасан бүрхүүл:Энэ арав хоногийн сумын төвийн ойролцоо хэмжсэн мэдээгээр аймгийн  нийт нутгийн 30 орчим хувьд нь цастай,  цасны дундаж зузаан 1 см байлаа.

ХАА-н үйлдвэрлэлд цаг агаарын нөлөөлөл: МАА-н үйлдвэрлэлд мал төллөх, отор нүүдэл хийх,  малд нэмэгдэл тэжээл өгөх зэрэг ажлууд явагдаж байна. Аймгийн нийт нутгаар хүчтэй цасан болон шороон шуурга шуурч , шөнөдөө жиндүү хүйтэн байгаа нь  мал төллөлт, малын бэлчээрлэлт болон мал хаваржилтанд тааламжгүй байлаа. Аймгийн ихэнх сумдын нутгаар малын усан хангамж  дунд байсан байна.

                        ЗСААХ-ийн дарга, ХААЦУ-ын ерөнхий технологич инженер Н.Галдигмаа