Урьдчилсан мэдээ > 2022 ОНЫ 09–11 ДҮГЭЭР САРЫН УРЬДЧИЛСАН ТӨЛӨВ

2022 ОНЫ 09–11 ДҮГЭЭР САРЫН УРЬДЧИЛСАН ТӨЛӨВ

Шинэчлэгдсэн: 2022-08-15 18:37:38

                                                           2022 ОНЫ 09 – 11 ДУГААР САРЫН УРЬДЧИЛСАН ТӨЛӨВ     

Агаарын температур IX сард нутгийн баруун хэсгээр +2...+6°С, бусад нутгаар +6...+12°С дулаан байдаг. X сард нутгийн баруун хэсгээр 0...-10°С, бусад нутгаар 0...+4°С дулаан байдаг. Харин XI сард нутгийн баруун хэсгээр -16...-20°C, бусад нутгаар -8...-16°C хүйтэн байдаг байна. Хур тунадасны хувьд IX сард уулархаг нутгаар 25–40мм, бусад нутгаар 5–25 мм хур тунадас ордог бол X сард уулархаг нутгаар 12–20 мм, бусад нутгаар 3–12 мм хур тунадас ордог байна. Харин XI сард  уулархаг нутгаар 6–8 мм, бусад нутгаар 2–6 мм хур тунадас ордог байна.

Есдүгээр сард. Сарын дундаж агаарын температур ОЖД–аар нутгийн баруун хэсгээр +2...+6°С, бусад нутгаар +6...+12°С дулаан байдаг. 09 дүгээр сарын агаарын дундаж температур ихэнх нутгаар ОЖД-ийн орчим байх төлөвтэй байна. .

Сарын нийлбэр хур тунадас ОЖД–аар ихэнх нутгаар 25–50 мм хур тунадас ордог байна. 09 дүгээр сарын нийлбэр хур тунадас ихэнх нутгаар ОЖД-аас ахиу хур тунадас орох төлөвтэй байна

Аравдугаар сард. Сарын дундаж агаарын температур ОЖД-аар нутгийн баруун хэсгээр +2...+10°С, бусад нутгаар +2...+6°С дулаан байдаг.

Сарын агаарын дундаж температур ихэнх нутгаар дунджийн орчим байх төлөвтэй байна. Сарын нийлбэр хур тунадас ОЖД-аар ихэнх нутгаар 6–15 мм хур тунадас ордог байна.

Сарын нийлбэр хур тунадас нутгийн баруун хойд хэсгээр ОЖД-аас ахиу, бусад нутгаар дунджийн орчим хур тунадас орох төлөвтэй байна.

Арваннэгдүгээр сард.  Сарын дундаж агаарын температур ОЖД-аар нутгийн баруун хэсгээр -16...-20°C, бусад нутгаар -8...-16°C хүйтэн байдаг байна. Сарын агаарын температур нийт нутгаар ОЖД-ийн орчим байх төлөвтэй байна.

Сарын нийлбэр хур тунадас ОЖД-аар уулархаг нутгаар 6–8 мм, бусад нутгаар 2–6 мм хур тунадас ордог байна. Сарын нийлбэр хур тунадас нийт нутгаар ОЖД-ийн орчим байх төлөвтэй байна.

Зөвлөмж Агаарын температур есдүгээр сард нутгийн өмнөд хэсгээр ОЖД-аас дулаан байх төлөвтэй. Аравдугаар сард ихэнх нутгаар дунджийн орчим. Арваннэгдүгээр сард нийт нутгаар ОЖД-ийн орчим байх төлөвтэй байна. Хур тунадас ес болон аравдугаар сард уулархаг нутгаар ОЖД-аас ахиу орох төлөвтэй бол арваннэгдүгээр сард ихэнх нутгаар дунджийн орчим байх төлөвтэй байна. Намрын эхэн үеэр буюу 09-10 дугаар саруудад уулархаг нутгаар ОЖД-аас ахиу хур тунадас орох төлөвтэй учир цас орж цочир хүйтрэл эрт ажиглагдах магадлалтай байгаа тул ард иргэд, аж ахуй нэгж байгууллагууд өвлийн бэлтгэл ажилдаа эртнээс анхаарна уу.

                                                                            Архангай Цаг Уур