2024 оны 07 дугаар сарын хоёрдугаар арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

                                             2024 оны 07 дугаар сарын хоёрдугаар арав хоногт ХАА-н үйлдвэрлэлд

                  цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур ихэнх нутгаар +16...+21 градус дулаан, олон жилийн дундажтай харьцуулахад нийт нутгаар олон жилийн дунджаас дулаан, агаарын хамгийн дулаан нь нийт нутгаар +28...+32 градус дулаан, шөнөдөө ихэнх нутгаар +9...+14 градус  дулаан байлаа.

Хөрсний гадаргын температур: Хөрсний гадарга дээр өдөртөө Эрдэнэбулган, Эрдэнэмандал, Тариат, Батцэнгэл, Булган, Хайрхан, Хашаат, Хангай, Чулуут, Хотонт, Хайрхан, Цэцэрлэг, Цахир сумдын нутгаар  +58...+65 градус, бусад сумдын нутгаар +52...+57 градус хүрч халлаа, шөнөдөө нутгийн хойд хэсгээрээ +3...+8 градус, бусад нутгаар +6...+11 градус дулаан хонолоо.

Хур тунадас: Энэ арав хоногт Эрдэнэмандал, Эрдэнэбулган, Өлзийт, Хайрхан сумдын нутгаар 22,3–28,5 мм, бусад сумдын нутгаар 4,4-19,7 мм хур тунадас орж, нийлбэр хур тунадасны хэмжээг олон жилийн дундажтай харьцуулбал Өлзийт сумын нутгаар олон жилийн дунджаас ахиу, Тариат, Эрдэнэбулган сумын нутгаар олон жилийн дунджийн орчим,  бусад нутгаар олон жилийн дунджаас бага орсон байлаа.

Салхи: Салхины хамгийн  их хурд түр  зуур секундэт 9–23 метр хүртэл ширүүссэн бөгөөд хамгийн их хурд нь Тариат, Эрдэнэмандал, Батцэнгэл, Булган, Өндөр-улаан, Хайрхан, Хотонт,Цэцэрлэг сумдын нутгаар түр зуур секундэт 16-23 метр, 10 м/с–ээс их салхитай өдөр 1–8 удаа ажиглагдсан байлаа.

Ургамал бүрхүүл: Нийт сумдын нутгаар бэлчээрийн ургамлын түрүүлэлт, залаалалт, цэцэглэлт, үрийн боловсролтын үе шат ажиглагдаж, ургамлын өндөр 6-12 см байна.

ХАА-н үйлдвэрлэлд цаг агаарын нөлөөлөл: МАА-н үйлдвэрлэлд сааль сүү бэлтгэх ажил явагдаж,малын усан хангамж Өгийнуур, Хайрхан, Хангай сумдын нутгаар дунд, бусад сумдын нутгаар сайн байлаа.

                                                      ХААЦУ-ын  ерөнхий технологич инженер Э.Мягмаржаргал

 Харилцах утас 94066697