Цаг уурын мэдээ > Ус судлал

2021 оны дөрөвдүгээр сарын нэгдүгээр арав хоногийн тойм

Шинэчлэгдсэн: 2021-04-20 01:03:44

Хангай нурууны араас усжих  Хануй, Чулуут, Суман, Хойттамир, Урдтамир зэрэг голуудын мөсний зузаан өмнөх арав хоногт 5-20 см нимгэрч, Хойттамир,  Чулуут  голуудын адгаар гол мөснөөс бүрэн чөлөөлөгдсөн байна. Дээрх голуудад мөс харлах, мөсөн дээгүүр ус урсах, мөс байрандаа хайлах, үлдэгдэл  мөсөн зах үүсэх зэрэг үзэгдэл ажиглагдаж байна. Тэрхийн-Цагаан болон Өгий нуурын мөсний зузаан өмнөх арав хоногоос 5 см нимгэрч, 110-120 см зузаантай болсон ба Өгий нуурын мөсний зузаан олон жилийн дунджаас 10 см ахиу бол Тэрхийн-Цагаан нуур 15 см нимгэн байна.

Хаврын шар усны үер цөнгийн хахаатай давхцан ус эргээсээ халих , мөс байрандаа хайлах, харз гүйх,  үлдэгдэл мөсөн зах голын эрэг татам орчим усанд автах зэрэг үзэгдэл ажиглагдаж болзошгүй байна.  Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна.

 

АРХАНГАЙ АЙМГИЙН УС ЦАГ УУР

ОРЧИН ШИНЖИЛГЭЭНИЙ ТӨВ

ГАДАРГЫН УС СУДЛАЛЫН САЛБАР