2017 оны 09 сарын 1-р арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт Тариат, Хангай, ӨндөрУлаан, Цахир, Чулуут, Булган сумдын нутгаар 8.7-10.6 градус, бусад сумдын нутгаар 11.0-13.5 градус дулаан байв. Агаарт өдөртөө Хашаат, Төвшрүүлэх, Батцэнгэл сумдад 26,0 градус,  Өлзийт, Эрдэнэмандал, Өгийнуур сумдад 25,0 градус, Булган, Эрдэнэбулган сумдад 24,0 градус, бусад сумдын нутгаар 18,0-23,0  градус дулаан байлаа. Агаарт шөнөдөө 3,0  градус дулаанаас, -4,0 градус хүрч цочир хүйтэрсэн байв.Агаарт 30 градусыг давж дулаарсан өдөр  ажиглагдаагүй байна.

Хөрсний гадаргын температур: Хөрсний  гадаргын  дундаж  температур  энэ арав хоногт  нийт сумдын нутгаар 12,0-19,0  градус дулаан байлаа.  Хөрсөнд өдөртөө Тариат, Хотонт сумдад  50,0 градус,  Өлзийт сумын нутгаар 49,0 градус, бусад сумдын нутгаар 43,0-48,0  градус хүрч  халсан   байлаа. Хөрсөнд шөнөдөө 1,0 градус дулаанаас -5,0 градус хүрч цочир хүйтэрсэн  байна. Хөрсний  гадарга дээр 40 градусыг давж  дулаарсан өдөр  Эрдэнэмандал суманд 6 өдөр,  Тариат, Батцэнгэл, ӨндөрУлаан сумдын нутгаар 5 өдөр, бусад сумдын нутгаар 1 - 4 өдөр ажиглагдсан байна.

Хур тунадас: Энэ арав хоногт аймгийн нийт нутгаар 1-7  өдөр бороо орж, 0,3-28,0  мм тунадас унасан  байна. Хамгийн их  тунадас Хашаат суманд 28,0 мм, хамгийн бага  тунадас Жаргалант суманд 0,3  мм унасан байна.

 Салхи: Энэ арав хоногт аймгийн нийт нутгаар салхины хамгийн их хурд секундэт 6-24 метр хүртэл  ширүүссэн бөгөөд   хамгийн  их хурд нь Эрдэнэмандал суманд секундэт 24 метр, Эрдэнэбулган суманд секундэт  19 метр, Өлзийт суманд секундэт 18 метр , Тариат, Төвшрүүлэх, Чулуут, Хайрхан, Хангай сумдын нутгаар секундэт  12 метр,  Жаргалант сумын нутгаар секундэт 10 метр бусад сумдын нутгаар секундэт 6 -9 метр хүрсэн  байна. 10 м/с дээш салхитай  өдөр Эрдэнэмандал суманд 6  өдөр, Хангай суманд 5 өдөр,  Эрдэнэбулган суманд 3 өдөр, Өлзийт суманд 2 өдөр, Тариат, Хайрхан, Төвшрүүлэх ,Чулуут сумдад 1 өдөр  ажиглагдсан байв. 

Ургамал бүрхүүл: Аймгийн нийт нутгаар 2017 оны 09 -р сарын 10 –ний  байдлаар ургамлын ургалтын  байдал  Төвшрүүлэх  сумын нутгаар сайн, бусад сумдын нутгаар дунд үнэлгээнтэй  байна.   Ургамлын дундаж өндөр 4-14 см байна.

Бэлчээрийн хөнөөлт хортон шавьж,мэрэгчид:Энэ арав хоногт аймгийн нийт нутгаар  бэлчээрийн хортон  царцаа  ихэнх сумдын  нутгаар 1-3  ширхэг царцаа ажиглагдсан байна.ӨндөрУлаан, Цэцэрлэг, Батцэнгэл, Чулуут, Хангай, Жаргалант, Цахир суманд бэлчээрийн хортон царцаа ажиглагдаагүй байна.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, өвс хадлан бэлтгэх зэрэг  ажлууд явагдаж байна.Малын усан хангамж  Хангай, Тариат, Цахир,  Эрдэнэбулган, Төвшрүүлэх, Булган, Жаргалант  сумдын  нутгаар сайн, бусад сумдын нутгаар  дунд байна.

                           ХААЦУ-ын инженер Н.Галдигмаа