2018 оны 6 дугаар сарын сүүлийн арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Тариат,  Хангай,  Цахир, ӨндөрУлаан, Булган, Чулуут  сумдын нутгаар 15,0 – 16,6  градус ,  бусад сумдын нутгаар  17,0 – 23,2  градус дулаан байв. Агаарт өдөртөө  аймгийн нийт сумдын нутгаар 26,0 – 32,0 градус хүрч халсан байлаа.   Агаарт шөнөдөө  Батцэнгэл, Хашаат, Хотонт, Өгийнуур, Өлзийт, Эрдэнэбулган, Төвшрүүлэх сумдын  нутгаар  8,0 - 11,0  градус , бусад сумдын нутгаар 2,0 – 7,0  градус дулаан байв.  Агаарт 30 градусаас дээш дулаарсан өдөр Эрдэнэмандал, Батцэнгэл, Хашаат, Өлзийт, Хайрхан,  Өгийнуур сумдын нутгаар 1 өдөр  ажиглагдсан байна.

 Хөрсний гадаргын температур: Хөрсний  гадаргын  дундаж  температур  энэ арав хоногт Жаргалант, Батцэнгэл,  Өлзийт, Хотонт, Өгийнуур, Хашаат сумдын нутгаар 27.0-32,0 градус, бусад сумдын нутгаар 21,0 - 26,0 градус  дулаан байлаа.  Хөрсний гадарга дээр  өдөртөө аймгийн нийт  сумдын нутгаар 57,0-62,0 градус хүрч халсан   байна. Хөрсний гадарга дээр шөнөдөө  Тариат, Булган, Цэцэрлэг, Эрдэнэмандал, Хайрхан, ӨндарУлаан сумдын нутгаар 1,0-6,0   градус дулаан  байлаа. Хөрсний  гадарга дээр 40 градусаас дээш дулаарсан өдөр бүх сумдын нутгаар 7 – 9 өдөр  ажиглагдсан байна.

 Хур тунадас: Энэ арав хоногт  1-7 өдөр бороо   орж ,  0,4 - 84,7  мм тунадас  унасан  байна. Хамгийн их тунадас Булган сумын нутгаар  84,7  мм,  Хайрхан сумын нутгаар  хамгийн бага тунадас  0,4 мм  унасан байна. 

 Салхи: Энэ  арав  хоногт  аймгийн  нийт нутгаар  салхины хамгийн их хурд секундэт  5 - 15 метр хүртэл  ширүүссэн бөгөөд   хамгийн  их хурд нь   Эрдэнэмандал, Эрдэнэбулган, Тариат, Хашаат, Хотонт, Хайрхан, Өгийнуур, Булган  сумдын  нутгаар секундэт 10-15   метр , бусад сумдын нутгаар  секундэт 5 - 9   метр хүрсэн  байна. 10 м/с дээш салхитай  өдөр  Эрдэнэмандал сумын нутгаар 8 өдөр,  Эрдэнэбулган, Тариат, Хашаат, Хотонт, Хайрхан, Өгийнуур, Булган   сумдын нутгаар 1  өдөр   ажиглагдсан байв.

 Ургамал бүрхүүл:Энэ 6-р сарын 25-ны   мэдээгээр аймгийн нийт нутгаар  бэлчээрийн ургамлын  ургалтын байдал  20 гаруй хувь сайн, 60 гаруй хувь нь дунд, 5 орчим хувь  нь муу байна. Ургамлын өндөр 4-10 см байлаа. 

Бэлчээрийн хөнөөлт хортон шавьж,мэрэгчид: Энэ арав хоногт аймгийн нийм нутгаар  1м² талбайд 1-6 ширхэг бэлчээрийн хортон  царцаа  ажиглагдсан  байна

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд   хонь хяргах ажил  явагдаж байна.Малын усан хангамж  Чулуут, Хангай,  Цахир,  ӨндөрУлаан,  Өлзийт, Эрдэнэмандал, Жаргалант, Эрдэнэбулган сумдын  нутгаар сайн,  бусад сумдын нутгаар  дунд байна.           

                                    ХААЦУ-ын инженер Н.Галдигмаа