2019 оны 7 дугаар сарын дунд арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур Агаарын дундаж температур энэ арав хоногт Тариат, Хангай, Чулуут, Өндөр-Улаан, Цахир сумдын  нутгаар  14,0 – 16,3 градус, бусад сумдын нутгаар 16,8 – 23,0  градус дулаан байв. Олон жилийн дундажтай харьцуулахад  аймгийн бүх нутгаар олон  жилийн дунджаас 1,2- 6,3 градусаар дулаан  байна. Агаарт өдөртөө аймгийн нийт  нутгаар  24,0 - 31,0 градус  дулаан байлаа.  Агаарт шөнөдөө бүх сумдын нутгаар  5,0 – 11,0 градус  дулаан байна. Агаарт 30 градусаас дээш  дулаарсан өдөр Хашаат , Өлзийт, Хотонт, Өгийнуур, Батцэнгэл, Эрдэнэмандал сумдуудад 1 – 3 өдөр  ажиглагдсан байна.

Хөрсний гадаргын температур: Хөрсний  гадаргын  дундаж  температур  энэ арав хоногт  Өлзийт, Өгийнуур, Батцэнгэл сумдын нутгаар 29,0 - 30,0 градус дулаан байлаа.  Хөрсний гадарга дээр  өдөртөө  Төвшүүлэх, Өлзийт, Өгийнуур   сумдын нутгаар 60,0  градус, бусад сумдын нутгаар 51,0 – 56,0  градус дулаан байв. Хөрсний гадарга дээр шөнөдөө  аймгийн ихэнх сумдын  нутгаар 6,0 – 10,0 градус  дулаан  байлаа. Хөрсний  гадарга дээр 40 градусаас дээш дулаарсан  өдөр  ихэнх сумдад 7-10 өдөр ажиглагдсан байна.

Хур тунадас: Энэ арав хоногт  аймгийн нийт  нутгаар  4 - 10  өдөр бороо орж,  3,5 – 58,0    мм тунадас унасан байна. Хамгийн их нь Өндөр-улаан  суманд  58,0 мм, хамгийн бага нь Хашаат  сумын нутгаар 3,5 мм тунадас унасан байна. Олон жилийн дундажтай харьцуулахад Эрдэнэбулган, Эрдэнэмандал, Тариат, Цэцэрлэг, Батцэнгэл, Чулуут, Хангай, Өлзийт, Өндөр-улаан сумдын нутгаар  олон жилийн дунджаас ахиу, Өгийнуур, Жаргалант,Хайрхан, Хотонт,Булган сумдын нутгаар  олон жилийн дунджийн орчим, бусад сумдын нутгаар олон жилийн дунджаас бага хур тунадас орсон байна.

Салхи: Энэ  арав  хоногт  аймгийн  нийт нутгаар  салхины хамгийн их хурд секундэт   5 - 15 метр хүртэл  ширүүссэн бөгөөд   хамгийн  их хурд нь  Эрдэнэбулган , Эрдэнэмандал, Өгийнуур сумдын нутгаар  секундэт 14 - 15  метр хүрсэн  байв. 10 м/с дээш салхитай  өдөр аймгийн ихэнх сумдын нутгаар 1 – 5 өдөр   ажиглагдсан  байлаа.

Ургамал бүрхүүл: Бэлчээрийн ургамлын ургалтын байдал  Өлзийт сумын нутгийн зүүн, өмнөд , Өгийнуур сумын нутгийн зүүн,өмнөд,  Хашаат  сумын нутгийн хойд, зүүн, өмнөд, Цэцэрлэг сумын нутгийн баруун, хойд,  Булган сумын баруун, зүүн, өмнөд, Жаргалант сумын нутгийн хойд зүүн,Батцэнгэл сумын хойд, Төвшрүүлэх сумын зүүн талаар  дунд , бусад сумдын нутгаар хэвийн  байна. Бэлчээрийн ургамлын дундаж өндөр 6 -13 см байна.

УА,ХААЦУ-ын ахлах техникч Б.Нарантуяа.