2020 оны 06 дугаар сарын эхний арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур Агаарын дундаж температур энэ арав хоногт Тариат,  Цахир, Хангай, Чулуут, ӨндөрУлаан сумдын нутгаар 9,1 – 11,8 градус ,  бусад сумдын нутгаар  12,3 – 16,2 градус  дулаан  байлаа. Өлзийт, Хайрхан, Хотонт, Булган сумдын нутгаар олон жилийн дунджаас 1,3 – 2,4  градусаар дулаан, бусад сумдын нутгаар олон жилийн дунджийн орчим орчим байсан байна.   Агаарт өдөртөө  Тариат, Цахир, Хангай, Жаргалант сумдын нутгаар 20,0 - 21,0 градус, бусад сумдын нутгаар 23,0 – 27,0  градус дулаан  байлаа.  Агаарт шөнөдөө ӨндөрУлаан, Хангай  сумдын нутгаар  1,0  градус хүйтэн, бусад сумдын нутгаар  1,0 – 5,0   градус дулаан байв. Агаарт 30 градусаас дээш  дулаарсан  өдөр  ажиглагдаагүй байлаа.

Хөрсний гадаргын температур: Хөрсний  гадаргын  дундаж  температур энэ арав хоногт Эрдэнэмандал, Эрдэнэбулган, ӨндөрУлаан сумдын  нутгаар 17,0 -19,0 градус, бусад сумдын нутгаар 20,0 – 25,0  дулаан байв. Хөрсний гадарга дээр өдөртөө  аймгийн ихэнх сумдын нутгаар  50,0 – 55,0 градус дулаан  байлаа. Хөрсний гадарга дээр шөнөдөө аймгийн нийт нутгаар  1,0 – 4,0  градус  дулаан  байсан байна. Хөрсний гадарга дээр 40,0 градусаас дээш  дулаарсан  өдөр  бүх сумдын нутгаар 5 - 9 өдөр ажиглагдсан  байлаа.

Хур тунадас: Энэ арав хоногт  аймгийн нийт сумдын    нутгаар  2,6 – 11,4    мм тунадас орсон  байлаа. Хамгийн их нь  Эрдэнэбулган  суманд  11,4  мм, хамгийн бага нь  Цахир  сумдын нутгаар 2,6 мм тунадас орсон байна. Орсон хур тунадасны хэмжээг олон жилийн дундажтай харьцуулбал Хангай сумын  нутгаар олон жилийн дунджаас ахиу, Тариат, Хашаат, Жаргалант, Хайрхан сумдын нутгаар олон жилийн дунджийн орчим, бусад нутгаар олон жилийн дунджаас бага хур тунадас орсон байлаа.

Салхи: Энэ  арав  хоногт  аймгийн  нийт нутгаар  салхины хамгийн их хурд түр зуур секундэт 10 - 24 метр хүртэл  ширүүссэн бөгөөд   хамгийн  их хурд нь  түр зуур  Эрдэнэбулган, Эрдэнэмандал, Төвшрүүлэх, Хашаат, Өгийнуур  сумын нутгаар  секундэт 16 - 24  метр  хүрч  аюултай үзэгдлийн хэмжээнд хүрсэн байв.  10 м/с –ээс их   салхитай  өдөр  аймгийн бүх  сумдын нутгаар  1- 9  өдөр   ажиглагдсан  байлаа.

Ургамал бүрхүүл: Энэ сард  сумын төвийн ойролцоо хийдэг   хашаалаагүй тайлбайн бэлчээрийн ургамлын үзэгдэл зүйн ажиглалтын  мэдээгээр  аймгийн нийт нутгаар бэлчээрийн   ургамлын ургалт  удаашралтай  ,   ургамлын өндөр  2 – 4 см , зуншлагын байдал 70 орчим хувь нь дунд, 30 гаруй хувь нь муу байна.

ХАА-н үйлдвэрлэлд цаг агаарын нөлөөлөл : МАА-н үйлдвэрлэлд   бод, бог  мал төллөх,   малд нэмэгдэл тэжээл  өгөх,  ямаа самнах   зэрэг ажлууд  явагдаж байна. Эрдэнэбулган,  Тариат, Чулуут, Хангай, Жаргалант, Хайрхан, ӨндөрУлаан, Булган, Цахир   сумдын  нутгаар малын усан хангамж  сайн,  бусад сумдын нутгаар малын усан  хангамж  дунд байна.

                                 ХААЦУ-ын инженер Н.Галдигмаа