2023 оны 04 дүгээр сарын дунд арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Тариат, Хангай, Цахир сумдын нутгаар  0,2-1,3 градус хүйтэн, бусад нутгаар 1,2-4,7 градус дулаан байлаа.Олон жилийн дундажтай харьцуулахад Эрдэнэмандал сумын нутгаар олон жилийн дунджаас 2,0 градусаар хүйтэн, Тариат, Цэцэрлэг, Төвшрүүлэх, Хангай, Жаргалант, Хотонт, Цахир сумдын нутгаар олон жилийн дунджийн орчим, бусад нутгаар  1,2-2,6  грудасаар олон жилийн дунджаас дулаан  байсан байна.Агаарт өдөртөө  Тариат, Хангай, ӨндөрУлаан,  Цахир, Цэцэрлэг, Жаргалант, Булган сумдын  нутгаар 11,0–15,0 градус,  бусад сумдын нутгаар 16,0–20,0 градус дулаан  байлаа. Агаарт шөнөдөө  ӨндөрУлаан, Хангай, Цахир, Хашаат, Булган сумдын  нутгаар 12,0-16,0   градус, бусад сумдын нутгаар  6,0 -10,0 градус хүйтэн байсан байна.

Хөрсний гадаргын температур: Хөрсний  гадаргын  дундаж  температур энэ арав хоногт аймгийн ихэнх нутгаар 5,0-10,0 градус дулаан  байлаа. Хөрсний гадарга дээр өдөртөө  Эрдэнэбулган, Эрдэнэмандал, Төвшрүүлэх сумдын нутгаар  40,0-44,0  градус,  Хайрхан, Булган, Жаргалант сумдын нутгаар 34,0–37,0 градус, бусад сумдын нутгаар 29,0-32,0 градус дулаан байна. Хөрсний гадарга дээр шөнөдөө Цахир, Булган, Хашаат, Хангай сумдын нутгаар 14,0 –19,0 градус, бусад сумдын нутгаар 9,0-13,0 градус хүйтэн байсан байна.

Хур тунадас: Энэ арав хоногт  Өгийнуур, Хашаат сумдын хур тунадас ороогүй, бусад  нутгаар 0,0–1,2 мм хур тунадас орсон байна. Орсон хур тунадасны хэмжээг олон жилийн дундажтай харьцуулбал аймгийн нийт  нутгаар олон жилийн дунджаас бага хур тунадас  орсон байлаа.

Салхи: Энэ арав хоногт аймгийн  нийт нутгаар салхины хамгийн  их хурд түр  зуур секундэт 14 –23 метр хүртэл ширүүссэн бөгөөд хамгийн их хурд нь  Эрдэнэмандал сумын нутгаар  түр зуур секундэт 23  метр хүрсэн байв. 10 м/с–ээс их салхитай өдөр  аймгийн нийт сумдын нутгаар 3–10 ажиглагдсан байлаа.

Ургамал бүрхүүл:Бэлчээрийн ургамал 4 дүгээр сарын 10-ны байдлаар  аймгийн нийт 50 орчим хувьд нь цухуйгаагүй , Эрдэнэбулган, Эрдэнэмандал, Төвшрүүлэх, Булган, Өгийнуур, Өлзийт, Хашаат, Хотонт, Цэцэрлэг  сумдын нутгаар ургамал цухуйсан боловч  ургалтын муу байна.

 ХАА-н үйлдвэрлэлд цаг агаарын нөлөөлөл: МАА-н үйлдвэрлэлд  малд нэмэгдэл тэжээл өгөх , бог, бод мал төллөх, ажлууд явагдаж байна.  Энэ   сарын 10-ны байдлаар  аймгийн нийт нутгаар салхи шуурга ихтэй, жиндүү хүйтэн байгаа нь мал төллөх, малд нэмэгдэл тэжээл, өгөх, мал хаваржилтын байдалд тааламжгүй байлаа. Аймгийн ихэнх сумдын нутгаар малын усан хангамж  дунд байлаа.

ХААЦУ-ын  ерөнхий технологич инженер Н.Галдигмаа