2023 оны 05 дугаар сарын дунд арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Тариат, Хангай, Цахир, Цэцэрлэг,  сумдын нутгаар 4,3-5,2 градус, бусад нутгаар 6,1-12,9 градус дулаан байлаа.Олон жилийн дундажтай харьцуулахад  Хашаат, Хайрхан, ӨндөрУлаан, Булган  сумдын нутгаар олон жилийн дунджийн орчим, бусад нутгаар  олон жилийн дунджаас 1,3-4,7 грудасаар  хүйтэн байсан байна.Агаарт өдөртөө аймгийн ихэнх нутгаар 16,0-21,0 градусаар дулаан  байлаа. Агаарт шөнөдөө аймгийн ихэнх сумдын нутгаар 3,0-9,0 градус  хүйтэн байв.

Хөрсний гадаргын температур: Хөрсний  гадаргын  дундаж  температур энэ арав хоногт аймгийн ихэнх нутгаар 11,0-15,0 градус  дулаан байлаа. Хөрсний гадарга дээр өдөртөө  Цэцэрлэг, Хашаат, Жаргалант, Өлзийт, ӨндөрУлаан, Өгийнуур, Цахир сумдын нутгаар  36,0-39,0 градус, бусад сумдын нутгаар 40,0-47,0 градус дулаан  байсан байна. Хөрсний гадарга дээр шөнөдөө Хангай, Тариат, Цахир сумдын 10,0-13,0 градус, бусад нутгаар   3,0-8,0 градус хүйтэн байлаа.

Хур тунадас: Энэ арав хоногт  аймгийн нийт  нутгаар 0,0 -10,4 мм хур тунадас орсон байна. Орсон хур тунадасны хэмжээг олон жилийн дундажтай харьцуулбал Эрдэнэбулган, Эрдэнэмандал, Хотонт, ӨндөрУлаан сумдын нутгаар олон жилийн дунджийн орчим, Цэцэрдэг, Төвшрүүлэх, Батцэнгэл, Хайрхан  сумдын  нутгаар олон жилийн дунджаас ахиу, бусад нутгаар олон жилийн дунджаас бага хур тунадас  орсон байлаа.

Салхи: Энэ арав хоногт аймгийн  нийт нутгаар салхины хамгийн  их хурд түр  зуур секундэт 12–24 метр хүртэл ширүүссэн бөгөөд хамгийн их хурд нь Хашаат сумын нутгаар  түр зуур секундэт 24  метр хүрсэн байв. Аймгийн ихэнх сумдын  нутгаар  аюултай үзэгдлийн хэмжээнд хүрч салхилсан байна.10 м/с–ээс их салхитай өдөр аймгийн нийт нутгаар 2–10 өдөр ажиглагдсан байлаа.

Ургамал бүрхүүл: Бэлчээрийн ургамлын ургалтын байдал 5 дугаар сарын 20-ны байдлаар бэлчээрийн ургамлын ургалт Эрдэнэмандал, Тариат, Жаргалант, Төвшрүүлэх, Булган, Хотонт сумдын нутгаар дунд, бусад нутгаар муу байв.

ХАА-н үйлдвэрлэлд цаг агаарын нөлөөлөл: МАА-н үйлдвэрлэлд  малд нэмэгдэл тэжээл өгөх , бод мал төллөх , ямаа самнах, малд тарилга хийх, туулга өгөх  зэрэг  ажлууд явагдаж байна.  Энэ   сарын 20-ны байдлаар  аймгийн ихэнх  нутгаар салхи шуурга ихтэй, олон жилийн дунджаас хүйтэн байгаа нь мал төллөх, ургамлын ургалт, хаваржилтын байдалд тааламжгүй байлаа. Эрдэнэбулган, Эрдэнэмандал, Хашаат, Чулуут, Хангай, Жаргалант, ӨндөрУлаан, Цахир сумдын нутгаар малын усан хангамж  сайн, бусад сумдын нутгаар малын усан хангамж дунд  байв.

ЗСААХ-ийн дарга, ХААЦУ-ын ерөнхий технологич инженер Н.Галдигмаа